सत्य अहिंसा के बाम्हन बाबा तोला सादर नमन,
पण्डित सुन्दरलाल के नेवता ल स्वीकार कर,
कंडेल ग्राम म नहर कर विरोध बर तेहा आएच,
हमर छत्तीसगढ़ के मन ल बढ़ाएच
जोहार गांधी बाबा…
तोर संगे संग म खिलाफत आंदोलन के सियानी करिईया,
मौलाना शौकत अली तको आईस हवय,
जइसे ही राइपुर म उतरेच,
छत्तीसगढ़ के जमो मनखे तोर अगोरा म खड़े रहिस
जोहार गांधी बाबा,
रायपुर के चौराहा म भाषण देहच,
सुनईया मन छत्तीसगढ़ के कोन्टा ले आये रहिस,
आज बाबा तोर नाम म चौराहा ह हवय,
असहयोग आंदोलन के मिशाल ह छत्तीसगढ़ म बगर गय,
जोहार गांधी बाबा…
धमतरी के प्रवास करे हवच,
जानी हुसैन का बाड़ा सभा स्थल रहिस हवय,
नहर कर के विरोध म भाषण दे हवच,
सत्यग्रह के नाव ल पकड़े रहे हवच
जोहार गांधी बाबा…
तोर भाषण ल सुन
धमतरी के मनखे मन गदगद होगे,
जमींदार बाजीराव कृदन्त तिलक फण्ड बर पैसा भेंट करिस,
कुरुद म तको भाषण दे
जोहार गांधी बाबा…
ब्राम्हण पारा रइपुर म महिला सभा म सम्बोधित करे,
महिला मन प्रभावित होके 2000 के गहना दान करिस,
दु दिन के यात्रा म छत्तीसगढ़ के भाग्य बदल गय,
महिला मन आंदोनल म स्वेच्छा ले जुड़े ल लगय
जोहार गांधी बाबा…
Amir Hashmi 